Hay… sa dami ng mga inaasikaso sa trabaho at bahay, di ko namalayan na medyo matagal na rin pala akong di nakakasulat ng bagong post dito sa bloghay ko… naisip ko bigla kung di na ako makakasulat e sayang naman ang pagre-renew ko ng renta sa domain ko. Heniweys, kaya’t heto naisipan kong sumulat ng bago para naman umusad na ako mula sa huli kong post.
Speaking of bago, di ko namalayan na marami rin palang bagong nangyari sa ‘kin. Kaya’t umupo ka muna’t sumandal, magrelaks, at ikukuwento ko ang mga bagong pangyayaring naganap sa ‘kin mula nung ating huling pagsasama. Teka at aking iisiping mabuti ang ititipa ko para wala akong makaligtaan… ehem…
UNA — Bagong Trabaho
Oo tama ang nababasa mo. Pero actually, bagong luma s’yang trabaho. Eto kasi yung dati kong work na kinuha ulit ako at a better price! hehehe! Kaya balik ako ulit sa Cityland Pasong Tamo. At least ngayon mas malapit na ‘ko sa kabihasnan kung saan may mall at maraming building. Mas nakakatipid na ako sa pamasahe at nakakasimba pa ako. Yun nga lang, wala na ‘kong McDo! Hahaha pero okay lang… mas okay nga yun e!!! Besides, may malapit na Jollibee dito! Oha!!!
PANGALAWA – Bagong Bloghay Theme
Well, baka lang maisip n’yo na common yung theme ko na kape. Siguro… pero ayos nga e. Na-deviate lang from my usual na chairs, sofas or benches theme. But mind you, tahi pa rin naman sa kung anong layunin ng bloghay ko — ang makipagkwentuhan ng kung anu-anong siyet o chismax sa buhay. At kapag may kwentuhan, ano pang masarap na kasama… edi kape! Teka, kailan kaya tayo naman pede mag-Coffee EB? Para maiba naman!
PANGATLO — Bagong Pants
from clker.com
Sa tagal ng panahon, medyo limitado ako sa pagbili ng kahit anong gamit ko lalo na sa pang-araw-araw na gamit. Sympre mas pagtutuunan ko ng pansin ang mas importante kaysa sa sarili ko. Pero nung magbigayan ang ilan kong mga maong (nagkanda-punit na sa gamit), lumiit na ang baywang (oo, tumaba ako!) o di kaya’y mabutas ng di-oras ng di ko nalalaman, aba’y talagang wala na ‘kong magagawa at bumili ng mga kapalit. Kaya ayun, dalawa agad ang naibili ko since last week. Galante ba kamo? Di naman. Kailangan lang talaga dahil wala na akong natitirang maong na pamalit. Yung dalawang punit ko ay naremedyohan pero malamang di na magtatagal din. Kaya okay na rin ang pamalit. Isang maong na halos skinny jeans ang dating, at isang tamang tama sa aking katayuan na kulay maong din. Basta isang araw, makikita n’yo rin ‘to.
PANG-APAT — Bagong Trip
from ebay.com
Teka nga… ano nga ‘yun? Ah oo yun! Bago nyo maisip kung sino, bagay ang tinutukoy ko, okie? Ang bago kong trip… ay mangolekta ng mga laruang kinalakihan ko nung bata pa ako. Actually, naumpisahan ko na. Makaraang makapanood nung Transformers: Dark of the Moon nung June, ayun may mga naglabasang diecast versions. Ang una kong nabili ay si Optimus Prime na naka-truck form lang. Natuwa kasi ako sa hitsura nito kaya naisip ko, tutal P100, kolektahin ko kaya? At dun na nga ako nag-umpisa. Sa ngayon, meron na rin akong Bumbolbe at Saydswayp. Iniisip ko pa si Ayronhayd kasi napapangitan ako sa disenyo sa kanya. Pero malay mo.
Apart from Transformers, andyan din ang grupo ng Disney Cars. Ang ganda kaya nung kay Lightning McQueen?!? Pero kasi kay Jeremy yun e. Pero naisip ko rin kolektahin yun kasi marami s’yang bersyon e. May kamahalan lang nga kasi budget ko lang ay P100 din. Huwel, bahala na. Pero gusto ko rin makolekta yun at maitabi kahit yung McQueen lang. Basta, update ko kayo ‘pag meron na. Hehehe! Ang sarap ng feeling bata noh!!!
at…
PANG-LIMA — Bagong Bahay
Hahaha! Etong parteng ‘to ay walang istir!!! Mula sa dating apartment namin na parang 3-storey (kasama attic), nakalipat na kami sa bagong bahay na parehong sabdibisyon pa rin at napakalapit sa mga pangalawang magulang ko (aka parents-in-law). Pero bago ko pa maidetalye lahat, pipigilin ko muna sarili at kailangang mabigyan muna ng permiso ni kumander bago ko makwento lahat. So sa susunod na post na lang kung sakali.
Haayyy… imagine sa dami ngang nangyari na di mo mapapansin kung marami kang ginagawa. Pero ayos lang. At least, may bagong kwento akong nailathala dito at naibahagi. Gaano man kapayak o kagulo ang nasulat ko, naipaalam ko sa inyo na andito pa rin ako para makichika, makausap at makaututang dila kung kinakailangan.
O teka post ko na ‘to para mabasa n’yo na. Besides, kailangan ko pa mag-DL ng ilang movies na atat kong makuha. Free kasi dito sa opisina e!!! O s’ya! Sa susunod ulit ha! Ciao!!!
yey sa bagong bahay! andun kami! hehe.
kaya ba updated ka na sa mga plurks dahil nabago na ang busy mong sked sa work?
[Reply]
bongkito Reply:
September 2nd, 2011 at 4:22 am
apart from bawal ang plurk sa dating opisina, sa bagong office ko ay mas relax at may freedom ako to handle the people i manage. ikanga kay kaye, balik bossing na naman akech! tenks kuh at kaw ang pers beys dito! hehehe
[Reply]
ang mga pants. bow.
ganda yung mga nabili mo dad. bagay na bagay sayo.
at sana makabili tayo ng malalaking versions ni mcqueen. hehe. palagay ko di na makakatulog ang little boy.
[Reply]
bongkito Reply:
September 5th, 2011 at 4:15 am
salamat sa mga bagong pants. kahit yung buffalo ko talagang nagbabadya ng mamaalam e. so malamang sa sweldo, bibili na naman ako ng kapalit heheheh!
at oo nakikinikinita ko na si Jem ‘pag makabili tayong ng malaking version ng McQueen nya. kahit nga si Mami nakita n’ya yung RC na tinutukoy ko. haw egsayting!!!
[Reply]
Na-inggit ako sa Cars, gusto ko din nyan!
[Reply]
bongkito Reply:
September 7th, 2011 at 8:40 pm
eto nga kami ni Kaye di magkandarapa ‘pag humihirit si Jem magpabili. hay naku ang swerte talaga mga bata ngayon pagdating sa laruan pramis!!!
teka gusto mo? sige sabihan kita… plan ko talaga kolektahin lahat ng McQueen versions e. hehehe
[Reply]
sir bong, bakit naman kakagalitan ka ni miss kaye kung iku-kwento mo ang paga-acquire niyo ng new house. may cars 2 nga palang pelikula kaya marami na namang novelty items ni lightning mcqueen.
happy weekend!
[Reply]
bongkito Reply:
September 12th, 2011 at 4:47 am
hi duks!!! long time no visit ah! hehehe oks lang naman kasi ngayon lang ako nakapagpost ng bago.
yung sa bahay ay medyo tahimik lang talaga kami. kaya mas gusto ko na rin si kaye ang magkwento kasi mas maganda sya mag-narrate. baka kasi may ma-omit ako mahirap na. hahahah!
at oo may cars 2 na! at sasabihin ko s’yo mas maganda s’ya dun sa una. yun lang nga yung mga bata, nung pinanood namin ay biglang nakatulog. ngek! pero okay lang kasi kahit matatandang tulad namin ay natuwa rin sa istorya!!!
sana oks din ang weekend mo!!!
[Reply]
Hello Bong. Ang daming blessings talaga at dahil na rin sa mga inspirasyon mo…ang inyong pamilya.
May collections din ako dati ng mga maliliit na mga laruang kotse dyan sa atin. Meron pa rin akong konti dito…minsan nga ipakita ko rin sa iyo. Minsan kasi nakakakita ako ng mga mura lang sa mga garage sale dito.
Wow at sana pagdating ng araw ay masilip ko rin ang inyong bagong bahay.
Ingat lagi & God Bless!
[Reply]
bongkito Reply:
September 29th, 2011 at 9:26 pm
hi tay!!! salamat at nakadalaw ka ulit dito sa bloghay ko. medyo nakahiatus ng konti dahil sa work…hehehe.
tama kayo at maraming blessings na natatanggap ng pamilya ko. ako’y laging thankful kay Lord kasi kahit maraming pagkukulang, andyan pa rin S’ya to provide sa mga kailangan at mga other surprising gifts for them. meron pa kong pinapagpray for this year. sana matuloy rin yun! tulungan n’yo rin po ako dun ha?
thanks po! ingat lagi d’yan and one of these days pasilip rin ng mga koleksyon n’yo. hehehe
[Reply]